LSDM, BDI apo Gruevski? Kush qëndron pas Danella Arsovskës?

Danella Arsovska, kryetarja e Qytetit të Shkupit në paraqitjen e djeshme në emisionin “Click Plus” në TV21 tha se nuk ka as mbrojtje e as mbështetje nga asnjëra parti apo individ.

“Nuk pajtohem as me njërën, as me tjetrën dhe kjo për mua do të thotë se po bëj diçka të mirë në jetën time dhe planifikoj të vazhdoj kështu”, tha Arsovska.

Gjatë pyetjes nëse Arsovska ka marrë direktiva nga Budapesti, siç flitet, ajo u përgjigj se kjo është qesharake.

“Kur dikush është në një pozitë kaq të palakmueshme siç janë këta njerëz tani, unë besoj se mënyra e vetme e tyre është të manipulojnë, fabrikojnë dhe tregtojnë gënjeshtra,” thotë ajo.

Arsovska konfirmoi se nuk është më konsulle nderi e Hungarisë në Maqedoni për shkak se ka dhënë dorëheqje nga të gjitha pozitat që mbajti pasi u bë kryetare komune.

Leave a Reply

Your email address will not be published.