Valverde shënon gol… në ballkonin e një banese! (video)
Përpos humbjes së parë të Real Madridit, një ngjarje tjetër aspak e zakontë ka ndodhur në La Liga mbrëmë.
Në ndeshjen Rayo Vallecano – Real Madrid, e zhvilluar në Vallecas, u pa një skenë e rrallë.
Në fakt, Fede Valverde goditi fuqishëm, por topi përfundoi aty ku askush nuk e priste, shkruan “Gazeta Express”.
Në fakt, gjuajtja e fuqishme e mesfushorit të “Los Blancos” bëri që topi të “bënte strehë” në ballkonin e një banese, në një ndërtesë që gjendet pranë stadiumit.
Publiku në stadium u befasua nga kjo dhe filluan reagimet e tyre dhe të qeshurat.
E reagime pati edhe në rrjetet sociale, ku kjo video u bë virale dhe u pa nga miliona njerëz.
Banorët ishin me fat pasi e mbajtën topin në apartamentin e tyre dhe do ta mbajnë si një kujtim të çmuar, në një natë të madhe siç ishte ajo e mbrëmshmja, kur ekipi i tyre i zemrës e mundi kampionin spanjoll dhe evropian. /Gazeta Express/
Goooool en el balcón del vecinoooo pic.twitter.com/lAuyEswWO6
— carracuki (@carracuki) November 7, 2022
