Ambasadorët e BE-së pajtohen për liberalizim të vizave për Kosovën

Ambasadorët e vendeve anëtare të Bashkimit Evropian janë pajtuar të mërkurën për t’i dhënë mandatin Këshillit Evropian që të negociojë procesin e liberalizimit të vizave për Kosovën me Parlamentin Evropian, shkruan REL, transmeton Klankosova.tv.

Teksti është përpiluar nga Çekia, e cila ka udhëheqjen aktuale të BE-së, pas disa takimeve të grupeve punuese dhe diskutimeve dypalëshe me vendet që kanë pasur vërejtje.

Sipas dokumentit, lëvizja pa viza për qytetarët e Kosovës do të jetë e mundur kur të hyjë në fuqi sistemi evropian i udhëtimit, ETIAS, dhe data për këtë është 1 nëntori i vitit 2023.

Por, në rast se do të ketë vonesa për këtë sistem, liberalizimi i vizave për Kosovën do të hyjë në fuqi jo më vonë se më 1 janar të vitit 2024.

Por, kur do të hyjë në fuqi liberalizmi i vizave?

Projekt-rregullat do t’iu lejojnë mbajtësve të pasaportave të lëshuara nga Kosova të udhëtojnë në BE pa viza për një qëndrim prej 90 ditësh në çdo periudhë 180-ditore.

Sipas qëndrimit të Këshillit, përjashtimi nga kërkesa për vizë do të zbatohet nga data e hyrjes në funksion të Sistemit Evropian të Informacionit dhe Autorizimit të Udhëtimit (ETIAS) dhe, në çdo rast, jo më vonë se 1 janari 2024.

Ambasadorët nga shtetet anëtare të BE-së miratuan sot mandatin negociues të Këshillit për një rregullore për udhëtimin pa viza për mbajtësit e pasaportave të lëshuara nga Kosova. Në bazë të këtij mandati, presidenca do të nisë negociatat me Parlamentin Evropian.

“Sot kemi bërë një hap të rëndësishëm drejt udhëtimit pa viza në Kosovë dhe tani shpresojmë të arrijmë shpejt një marrëveshje me Parlamentin Evropian për ta bërë realitet këtë premtim. Liberalizimi i vizave është bërë i mundur me përpjekjet e Kosovës për të forcuar kontrollet kufitare, menaxhimin e migracionit dhe sigurinë dhe jemi të bindur se ky bashkëpunim i mirë mund të forcohet vetëm në të ardhmen”, ka thënë Jan Lipavský, ministër i Jashtëm çek, njofton Klankosova.tv.

Projekt-rregullat do t’iu lejojnë mbajtësve të pasaportave të lëshuara nga Kosova të udhëtojnë në BE pa viza për një qëndrim prej 90 ditësh në çdo periudhë 180-ditore. Sipas qëndrimit të Këshillit, përjashtimi nga kërkesa për vizë do të zbatohet nga data e hyrjes në funksion të Sistemit Evropian të Informacionit dhe Autorizimit të Udhëtimit (ETIAS) dhe, në çdo rast, jo më vonë se 1 janari 2024.

Leave a Reply

Your email address will not be published. Required fields are marked *