Arianit Xhaferi
Po çfarë dinjiteti festoni ju që po i përbuzni shqiptarët çdo ditë e më shumë?! I varfëroni, i bëni të largohen nga votrat e tyre (si Millosheviqi e si Rankoviqi). I burgosni dhe s’ju jepni drejtësi. I vrisni natën e i qani ditën.
Çfarë dinjiteti tregoni në Sellcë, kur të gjithë ata e dinë se ju jeni gënjeshtarë të pashoq, mashtrues, hajna të korruptuar, vrasës, mafiozë, zhvatës…
Ku është dinjiteti për viktimat e spitalit modular të Tetovës?
Ku është dinjiteti për viktimat e Durmo Tours, Besa Trans?
Ku është dinjiteti për studentët e mjekësisë të cilët vazhdojnë t’i paguajnë rryshfete çiftit të njohur dhe shumë hajnave të tjerë?
Ku është dinjiteti për kandidat për shoferë që vazhdojnë të japin para për të marrë lejen e vozitjes?
Ku është dinjiteti për të sëmurët e Kërçovës që s’po ja ndërtoni spitalin tash 20 vite?!
Ju dhe dinjiteti jeni si mesnata me mesditën! Nuk takoheni kurrë…
