Dy persona janë lënduar lehtë në aksidentin e trafikut që ndodhi dje rreth orës 16:40 në rajonin e Labinit, Kroaci. Sipas “Glas Istre”, aksidenti ndodhi kur një shtetas 32-vjeçar nga Maqedonia, duke drejtuar një veturë me targa të Pulas, pa patentë shoferi, po udhëtonte nga drejtimi i Labinit për në Rashaa.

Për shkak të shpejtësisë së papërshtatshme, drejtuesi kaloi në anën e kundërt të rrugës, ku u përplas drejtpërdrejt me një kamion të drejtuar nga një 45-vjeçar. Nga fuqia e goditjes, makina u përmbys dhe goditi shkëmbinjtë. Të dy shoferët u lënduan lehtë, ndërsa shtetasi i Maqedonisë së Veriut u arrestua dhe sot do të dërgohet në Gjykatën kompetente për shkelje të Ligjit mbi sigurinë rrugore.