Prokuroria Themelore Publike në Kumanovë ka nisur procedurë hetimore dhe ka kërkuar caktimin e masës së paraburgimit ndaj një 40-vjeçari nga Kratova, i dyshuar për veprën penale “Sulm ndaj personit zyrtar gjatë kryerjes së detyrave të sigurisë”.
Sipas Prokurorisë, ngjarja ka ndodhur më 11 shtator, kur i dyshuari ka sulmuar zyrtarë policorë gjatë kryerjes së detyrave të tyre për parandalimin e një vepre penale.
Dy policë kanë përdorur forcë për të hapur derën e mbyllur të dhomës ku ndodhej i dyshuari. Në atë moment, ai i ka sulmuar ata.
Gjatë sulmit, njërit prej policëve i ka shkaktuar lëndime të rënda trupore me thikë, përfshirë një plagë shpuese dhe një prerje.
Për shkak të rrezikut të arratisjes dhe mundësisë që i dyshuari ta përsërisë veprën penale, prokurori publik i ka dorëzuar gjyqtarit të procedurës paraprake propozim për caktimin e masës së paraburgimit.
