Transportuesit privatë në dy ditët e ardhshme do të reduktojnë, ndërsa më pas do të ndërpresin tërësisht qarkullimin, shkruan Alsat.
Vozitësit thonë së janë të detyruar edhe të protestojnë për shkak të zhytjes në borxhe dhe mos shlyerjes së detyrimeve nga Ndërmarrja e Qarkullimit Publik që nga janari i këtij viti.
“Të gjithë kolegët janë në borxhe të mëdha, punojmë me çmim i cili na mundëson vetëm harxhimet ti mbulojmë, shumica janë në borxhe, ose neper kredi ose neper pompa të benzinës, siç kanë mund të gjenden. Nga cili muaj nuk jeni paguar nga NQP-ja? Nga janari e këndej nuk jemi të paguar. (2:24-2:41)”Deshëm ose jo nuk mund të vazhdojmë për shkak të mungesës së mjeteve, një apo dy ditë do të jemi me reduktim e më pas dhe do të ndërpritet e gjithë puna”, tha Isen Halili, vozitës.
“Pronari im quhet Hasan dhe ma ka ndërpre punën se s’ka mundësi më të vozis, deri tani ai ka harxhuar 35 mijë euro, jo neper pompa por para të cilat i ka pasur të gatshme, kemi informata se ka nga 50 apo 70 mijë euro. Që i bie se e pësoni edhe ju si shofer? Unë që një javë nuk di ç’të bëj a do kthehemi të punojmë apo të kërkoj punë diku tjetër”, u shpreh Muhadin Halili, vozitës.
Borxhi që NQP-ja ka ndaj vozitësve privatë shkon rreth 2 milion euro.
“Borxhi jonë është i madh, nuk kemi marrë para që nga janari, kemi marrë një të treten të janarit. Në tre javët e fundit nuk kemi marrë asnjë denarë. Dhe shuma arrin për të gjithë transportin nga 110 milion denarë, para të vonuara dhe kemi edhe një muaj që nuk është faturuar për muajin qershor”, tha Oliver Petrushevski – vozitës.
As qyteti i Shkupit e as Ndërmarrja e Qarkullimit Publik nuk u përgjigjen në pyetjen se kur do të shlyhet borxhi ndaj vozitësve privatë dhe se çfarë do të ndërmerret për zgjidhjen e këtij problemi. / Alsat.mk
