Në Shqipëri ka lindur foshnja me peshën më të madhe në 10 vitet e fundit. Ministrja e Shëndetësisë dhe Mbrojtjes Sociale të Shqipërisë, Albana Koçiu, përmes një postimi në rrjetin social Facebook ka bërë të ditur se bebja ka ardhur në jetë nëpërmjet një lindjeje natyrale dhe peshon 6.1 kg.

“Bebi me peshën më të madhe i lindur në 10 vitet e fundit”.

Ky bebush ka lindur 6150 gr dhe ka ardhur në jetë nëpërmjet një lindjeje të suksesshme natyrale, falë stafit mjekësorë.

Mirënjohje nga 🤍 për stafin mjekësor dhe infermieror, pasi falë punës dhe përkushtimit të tyre nëna dhe bebi gëzojnë shëndet të plotë”, shkroi ajo.