Pas dështimit të iniciativës për shportat e ushqimit, ministri Besar Durmishi ka ndryshuar qëndrim dhe tani thotë se mbështet qytetarët në bojkotin kundër çmimeve të larta.

Nisma për shportat e kontrolluara të ushqimit, e cila synonte të ofronte produkte bazë me çmime të reduktuara, nuk pati suksesin e pritur. Shumë qytetarë u ankuan për mungesën e transparencës dhe efektin e kufizuar të masës, ndërsa tregtarët e kritikuan atë si të pazbatueshme në praktikë dhe nuk ju përmbajtën.

Tani, ministri Durmishi ka dalë me një deklaratë të re, duke thënë se ai “përkrah plotësisht qytetarët në bojkotin e çmimeve të larta”. Kjo deklaratë ka shkaktuar reagime të ndryshme, me disa që e shohin si një përpjekje për të shmangur përgjegjësinë për dështimin e planit të mëparshëm, ndërsa të tjerë e vlerësojnë si një reflektim ndaj shqetësimeve të qytetarëve.

Në Maqedoninë e Veriut është paralajmëruar bojkot total i marketeve për ditën e premte si pasoj e çmimeve të papërballueshme të produkteve bazë.