Një femër ka shkaktuar aksident në Tetovë dhe ka ikur nga vendi i ngjarjes, transmeton TV21.

Siç bëhet e ditur në buletinin e Ministrisë së Punëve të Brendshme, në aksident është lënduar një 18-vjeçar.

“Më 11.03.2025 në ora 18.50 në SPB Tetovë është denoncuar se në udhëkryqin mes rrugës “Boris Kidriç” dhe rrugës “Bllagoja Toska” në Tetovë, vetura, me shofere femër, ka goditur në A.Z.(18) nga Tetova dhe e ka lëshuar vendin e ngjarjes. Në fatkeqësi, A.Z. ka pësuar lëndime trupore, të konstatuara në Spitalin Klinik në Tetovë”, thuhet në njoftim.

Nga MPB-ja njoftojnë po ashtu se ndërmerren masat për zbardhjen e rastit.