Prokuroria Publike ka konfirmuar praninë e një depoje karburanti pranë diskotekës “Puls”, ku humbën jetën 59 persona dhe mbi 150 u plagosën nga zjarri.

Burime nga hetimi bëjnë të ditur se Ministria e Punëve të Brendshme (MPB) po verifikon nëse në depo kishte naftë në momentin e tragjedisë.

“Gjatë ekspertizës është konstatuar se ekzistonte një depo karburanti pranë objektit. Të gjitha rrethanat e tjera po hetohen”, thuhet në njoftimin e Prokurorisë.

Për t’i bërë gjërat edhe më tragjike, këtë informacion së pari e ka publikuar portali serb “Informer” dhe citojmë “Siç mësojmë, i gjithë qyteti i Koçanit mund të ishte hedhur në erë atë natë fatale”.
Pronari i diskotekës ka një depozitë të groposur me naftë rreth 50 metra larg dhe sipas banorëve aty raportohet se ka rreth 10 tonë naftë, transmeton Informer serb.