Ministri i Shëndetësisë, Arben Taravari ka bërë të ditur se nga 162 pacientë të cilët u lënduan nga zjarri në Koçan, që janë duke u trajtuar në klinikat e vendit, 10 prej tyre do të lëshohen në shtëpi, shkruan TV21. Për pacientët që po trajtohen jashtë vendit, Taravari tha se të gjithë janë në gjendje stabile, përveç një pacientit që po trajtohet në Turqi që është në gjendje më kritike.

“Lajm i mirë se prej gjithsej 162 pacientë, 10 pacientë i lëshojmë për mjekim në shtëpi që është lajm shumë i mirë për ne si mjek. 57 pacientë janë në klinikat në Maqedoni, 12 janë në Spitalin “8 shtatori”, 25 janë në Qendrën Klinike në Shkup, në Spitalin e Qytetit janë 11 pacientë dhe në Shtip është vetëm 1 pacient. Jashtë shtetit mjekohen 115 pacientë, të gjithë në situatë relativisht të mirë, përveç një pacienti të cilin e kemi pak më kritik që është në Turqi. Pacientët e tjerë në shtetet e tjera, për të gjithë marrim lajme të mira dhe vetëm mendojmë për të përgatitur protokollet për kthimin e tyre”, tha Arben Taravari.