Ministria e Shëndetësisë informon se, sipas njoftimeve nga Akademia Ushtarake Mjekësore në Beograd, sot paradite ka ndërruar jetë Stojançe Stefanov nga Koçani, i lindur në vitin 2001.
Bëhet fjalë për pacientin që, që nga dita e parë pas tragjedisë, pas triazhimit të parë nga ekipet mjekësore, ishte dërguar menjëherë për trajtim në Akademinë Ushtarake Mjekësore në Beograd. Ai ishte në gjendje kritike dhe i intubuar gjatë gjithë muajit të kaluar.
Stefanov kishte 27 për qind të trupit të djegur dhe lëndime të rënda nga thithja e tymit. Më 4 prill ai ishte operuar dhe vendosur në aparat ECMO, i cili oksigjenon gjakun nëpërmjet një makinerie, për shkak të dëmtimit të mushkërive nga tymi i thithur. Megjithatë, për shkak të natyrës së rëndë të lëndimeve, ai gjatë gjithë qëndrimit në spital ka qenë në gjendje të rëndë dhe jo stabile.
Ministria e Shëndetësisë shpreh ngushëllimet më të sinqerta për familjen dhe për të gjithë të prekurit nga tragjedia në Koçani.
