SPB Tetovë ka ngritur kallëzim penal kundër S.U. (51) nga fshati Pallçisht i Poshtëm, J.I. (44) nga fshati Debresh dhe A.M. (18) nga fshati Pallçisht e Epërme, të gjithë nga rrethina e Tetovës, për shkak të dyshimeve të bazuara për kryerjen e veprës penale “keqtrajtim i kafshëve”.
Më 27.02.2025, në territorin e fshatit Pallçisht e Poshtme, zyrtarë policorë të SPB Tetovë i kanë kapur të dyshuarit në flagrancë duke marrë pjesë me qentë e tyre në një luftë qenësh.
