Takimi mes presidentit amerikan Donald Trump dhe presidentit rus Vladimir Putin në Anchorage, Alaska, pritet të nisë zyrtarisht në orën 21:00 me orën e Tiranës.
Sipas Kremlin-it, bisedimet mund të zgjasin gjashtë deri në shtatë orë dhe do të zhvillohen me praninë e ndihmësve të të dyja palëve. Moska ka paralajmëruar se pret rezultate konkrete nga ky samit.
Sekretari për shtyp i Kremlinit, Dmitry Peskov, konfirmoi se Trump do ta presë personalisht Putin-in në avionin e tij, menjëherë pas mbërritjes në pistën e Anchorage.
Kjo është e pazakontë, pasi presidenti rus është i njohur për vonesat e tij në takime të nivelit të lartë, por kësaj here pritet të mbërrijë “në kohë”.
Vetëm disa orë para samitit, Rusia kreu një sulm me raketë balistike në rajonin ukrainas të Dnipropetrovsk-ut, duke vrarë një person dhe plagosur një tjetër.
Sulmi shënjestroi zonën e Dnipro-s, një qendër logjistike për forcat ukrainase, dhe ndodhi në prag të diskutimeve për një marrëveshje armëpushimi për Ukrainën.
