Shefi i shtabit të koalicionit VLERËSUES për Lidhjen e Ndryshimit (VLEN), Adnan Azizi, ka reaguar ashpër ndaj kreut të “Levica”-s, Dimitar Apasiev, pas fotos së publikuar nga ky i fundit pranë një billboard-i të kandidatit të VLEN për Tetovën, Bilall Kasami.
Në një deklaratë të qartë dhe të drejtpërdrejtë, Azizi iu drejtua kreut të BDI-së, Ali Ahmeti, duke i kërkuar të ndalojë atë që e konsideron “argat të tij” i cili po përpiqet të ndërhyjë në fushatën elektorale të Tetovës dhe të krijojë tensione ndëretnike.
“Ali, është mirë ta ndalësh këtë argatin tënd që e ke dërguar për të të ndihmuar në zgjedhjet e Tetovës dhe për të krijuar tensione ndëretnike. Këto provokime nuk të sjellin vota. Përkundrazi, ti dhe Apasievi e merrni përgjigjen e tetovarëve më 19 tetor,” deklaroi Azizi.
Reagimi i VLEN-it vjen në një moment kur fushata shkon duke u tensionuar, duke nënvizuar mesazhin se provokimet politike nuk do të pranohet nga qytetarët dhe se vota e tyre më 19 tetor do të jetë vendimtare.
