Një burrë rreth të 30-ave humbi jetën dhe tre persona të tjerë u plagosën në një sulm me përplasje automjeti dhe sulm me thikë në Bregun Perëndimor, sipas raportimit të Haaretz.
Mes të plagosurve janë një grua 55-vjeçare në gjendje të rëndë, një 15-vjeçar dhe një burrë në të 30-at në gjendje mesatare, sipas spitalit të Jerusalemit.
Sipas ushtrisë izraelite (IDF), dy autorët fillimisht tentuan të përplasnin me makinë kalimtarët pranë nyjes, më pas dolën nga automjeti dhe goditën me thikë persona të tjerë në vendngjarje.
Të dy u qëlluan për vdekje nga ushtarët, të cilët më vonë thanë se gjetën edhe material shpërthyes.
IDF njoftoi gjithashtu se forcat izraelite kanë rrethuar disa fshatra palestineze në zonën e Gush Etzion.
Ndërkohë, sipas Qendrës Mjekësore Hadassah, gruaja 55-vjeçare është goditur nga plumbat në pjesën e sipërme të trupit.
