Nënkryetari i VMRO-DPMNE-së, Aleksandar Nikolloski, ishte sonte i ftuar në emisionin Tema e ditës në televizionin Sitel, ku komentoi edhe mbi çështjen aktuale të heqjes së qeverisë teknike. Ai theksoi se kjo qeveri ishte vendosur si një zgjidhje e përkohshme për krizën politike në vitin 2015. Nikolloski tha se heqja e saj në vitin 2024 u pengua për shkak të një marrëveshjeje midis LSDM-së dhe DUI-së, me qëllim që DUI të siguronte postin e kryeministrit, gjë që edhe ndodhi, dhe sipas tij, kjo ishte në kundërshtim me rregullat zgjedhore dhe vullnetin e qytetarëve, përcjell tetova1
“Qeveria teknike e vitit 2015 u vendos në një kontekst politik krejt tjetër dhe ishte zgjidhje për një krizë politike. Deri te zgjedhjet e rregullta parlamentare kanë kaluar 12 vjet e gjysmë nga ajo krizë dhe marrëveshjet e asaj kohe. Kjo qeveri teknike e ka tejkaluar kohën dhe arsyet për të cilat u krijua, dhe ne jemi e vetmja shtet nga demokracitë normale evropiane që e bën këtë. Kjo duhet të marrë fund, sepse nevojitet funksionim normal i shtetit,” tha Nikolloski.
“Në fakt ne e iniciuam këtë proces, por arsyeja e vetme pse qeveria teknike nuk u hoq për zgjedhjet e vitit 2024 ishte marrëveshja midis LSDM-së dhe DUI-së, që DUI të merrte kryeministrin, dhe kjo ndodhi – Talat Xhaferi u bë kryeministër. Kjo ishte jashtë çdo rregulle zgjedhore dhe jashtë vullnetit të popullit, dhe për këtë arsye zgjedhjet përfunduan si përfunduan,” shtoi Nikolloski./tetova1.mk/
