Të dielën, avioni i parë i transportit pa pilot me energji hibride në botë, “Ylberi YH-1000S”, i zhvilluar nga Korporata Kineze e Shkencës dhe Teknologjisë Hapësinore, përfundoi me sukses fluturimin e vet të parë në Chongqing të Kinës Perëndimore.
Kjo pason fluturimin e parë të suksesshëm të avionit të transportit pa pilot “Ylberi YH-1000” në maj 2025, duke përfaqësuar një tjetër model të ri që po ndryshon me shpejtësi për të përmbushur nevojat e klientëve të tregut global. Fluturimi i parë paraqiti një sistem hibrid me fuqi të lartë të zhvilluar së bashku me një kompani kryesore të automjeteve me energji të reja, duke shkurtuar ndjeshëm distancat e ngritjes dhe uljes, duke rritur ngarkesën e rrezen e veprimit dhe duke përfunduar me sukses verifikimin e performancës në fluturim.
Ky është një eksplorim i rëndësishëm inovativ i integrimit ndërindustrial të teknologjive kryesore në industrinë kineze të mjeteve ajrore pa pilot dhe automjeteve, duke ulur shumë kostot e kërkim-zhvillimit dhe prodhimit të mjeteve ajrore pa pilot nëpërmjet ndarjes së thellë të burimeve të zinxhirit të furnizimit dhe prodhimit modular.
“Ylberi YH-1000S” është një avion i madh transporti pa pilot që mund të luajë një rol jetik në transportin logjistik ndërkombëtar, shpëtimin emergjent dhe ndihmën në rast fatkeqësie, modifikimin e motit, monitorimin detar dhe mbikëqyrjen detare.
