Rapsodi i njohur shqiptar Murat Lamallari ka marrë një surprizë të veçantë për ditëlindjen e tij më 1 mars. Në një moment emocionues, djemtë e tij i dhuruan një veturë luksoze, si shenjë respekti dhe mirënjohjeje për babain e tyre dhe për kontributin e tij të madh në muzikën tradicionale shqiptare. Ky moment i bukur familjar ka tërhequr vëmendjen e shumë njerëzve dhe është shpërndarë gjerësisht në rrjetet sociale.
Dhurata simbolizon dashurinë dhe vlerësimin e familjes për një artist që për vite me radhë ka qenë pjesë e rëndësishme e kulturës dhe traditës shqiptare. Murat Lamallari njihet si një nga rapsodët dhe shahiret e njohur shqiptarë, i cili për dekada ka kultivuar dhe ruajtur muzikën burimore me çifteli dhe sharki ,
Përmes këngëve të tij ai ka përcjellë histori, tradita dhe ngjarje të rëndësishme kombëtare, duke u bërë një emër i respektuar në mesin e dashamirësve të folklorit. Interpretimet e tij autentike dhe përkushtimi ndaj muzikës popullore kanë bërë që ai të jetë i pranishëm në shumë aktivitete kulturore, festivale dhe tubime tradicionale, ku është mirëpritur gjithmonë nga publiku.
Dhurata e veturës luksoze për ditëlindje është një moment i veçantë jo vetëm për familjen e tij, por edhe për shumë admirues të rapsodit, të cilët e kanë uruar dhe përgëzuar për këtë surprizë të bukur. /tetova1/
