Djali 40 vjeçar nga Shkupi, e rrahu babain pastaj ia dogji edhe veturën.
Policia e Shkupit ka arrestuar një 40-vjeçar, pasi u raportua se sulmoi fizikisht babanë e tij dhe i dogji makinën. Sipas njoftimit të Ministrisë së Punëve të Brendshme, pardje në orën 02:20 të mëngjesit, në zonën e Kisela Vodës, zyrtarët policorë nga SPB Shkup e kanë privuar nga liria personin V.T. (40) nga Shkupi.
Sipas denoncimit, rreth një orë para raportimit, ai e kishte sulmuar fizikisht babanë e tij 61-vjeçar, e më pas i kishte vënë zjarrin veturës së tij. Zjarri është shuar nga ekipi i Brigadës së Zjarrfikësve të Shkupit, ndërsa inspektimi në vendin e ngjarjes është kryer nga ekipi hetimor i SPB Shkup.
