Një drejtor është arrestuar mbrëmjen e djeshme gjatë një aksioni të realizuar nga Ministria e Punëve të Brendshme, pasi u kap në flagrancë duke marrë një ryshfet prej 50.000 eurosh, shkruan Skopje1, përcjell tetova1
Sipas informacioneve, bëhet fjalë për një rast të dyshuar korrupsioni, ku i dyshuari kishte kërkuar një shumë të madhe parash në këmbim të ushtrimit të ndikimit në një proces të caktuar. Ai u kap në momentin e pranimit të parave, pas një operacioni të organizuar nga policia.
Burime nga hetimi bëjnë me dije se personi kishte premtuar ndërhyrje dhe shfrytëzim të pozitës së tij për të siguruar përfitime të paligjshme.
Pas arrestimit, ndaj tij pritet të ngrihen akuza për marrje ryshfeti dhe keqpërdorim të detyrës zyrtare, ndërsa hetimet për zbardhjen e plotë të rastit janë në vijim e sipër.
Autoritetet paralajmërojnë se lufta kundër korrupsionit do të vazhdojë me intensitet dhe se raste të tilla do të trajtohen me prioritet të lartë.tetova1.mk
