Agjencia Ndërkombëtare e Energjisë (IEA) ka rekomanduar që punonjësit të kalojnë në punë nga shtëpia sa herë që kjo është e mundur, si pjesë e një plani urgjent për të ulur konsumin e karburantit.
Agjencia publikoi sot një raport ku renditen një sërë masash emergjente që qeveritë, kompanitë dhe familjet mund të zbatojnë për të reduktuar presionin mbi konsumatorët. Ky alarm vjen si pasojë e ndërprerjeve në furnizimin me naftë të shkaktuara nga lufta në Lindjen e Mesme.
10 masat e propozuara
Raporti i ri evidenton 10 masa që mund të zbatohen me shpejtësi, kryesisht në transportin rrugor, i cili përbën rreth 45 për qind të kërkesës globale për naftë. Ndër sugjerimet kryesore të IEA-s janë:
Ulja e shpejtësisë: Reduktimi i shpejtësisë maksimale të lejuar në autostrada me të paktën 10 km/h.
Transporti publik: Inkurajimi i përdorimit më të madh të transportit publik.
Kufizimet në qytete: Kufizimi i aksesit të makinave private në qytetet e mëdha përmes sistemit të rrotacionit të targave (tek dhe çift).
Telepuna: Kalimi në punë online për të shmangur lëvizjet e panevojshme me automjete.
Sipas IEA-s, këto hapa janë të domosdoshëm për të stabilizuar tregun dhe për të mbrojtur ekonomitë familjare nga rritja e pandalshme e çmimeve të energjisë.
