Sërish gjuajtje me armë në Shkup. Në një lokal në rrugën “Qemal Sejfulla” një person ka gjuajtur me armë dhe si pasojë ka plagosur një person tjetër, duke i shkaktuar lëndime në këmbë, transmeton TV21.
Siç njoftojnë nga Ministria e Punëve të Brendshme, rasti ka ndodhur gjatë ditës së djeshme, pas mesditës.
“Më 22.02.2024 rreth orës 14.20 në Shkup, nëpunësit policorë nga Njësiti për polici intervenuese në kuadër të SPB Shkup kanë privuar nga liria A.K.(36) nga Shkupi, duke vepruar ndaj denoncimit se rreth orës 14:00 në objekt hotelerik në rrugën “Qemal Sejfulla” në Shkup ka gjuajtuar ndaj E.S. dhe i ka shkaktuar lëndime në këmbë. Ai është mbajtur në stacion policor dhe pas dokumentimit të plotë të rastit, kundër tij do të vijojë kallëzim përkatës”, thuhet në njoftim.
