Një litër benzinë në Iran kushton një shumë simbolike – rreth dy e gjysmë centë. Por pas këtij çmimi jashtëzakonisht të ulët fshihet një histori shumë më komplekse që lidhet me subvencionet, standardin e jetesës dhe ekonominë.
Irani vazhdon të mbajë statusin e vendit me benzinën më të lirë në botë. Sipas të dhënave më të fundit, një litër benzinë kushton rreth 15.000 rialë iranianë, që është afërsisht 0,025 euro ose 0,029 dollarë për litër.
Në praktikë, kjo do të thotë se shoferët në Iran mund të mbushin një litër karburant me një shumë për të cilën në pjesën më të madhe të Evropës nuk mund të blihet as një pikë. Pikërisht për këtë arsye, mediat franceze kanë përdorur shprehjen se një litër benzinë atje kushton vetëm “një cent”, duke theksuar hendekun e madh krahasuar me pjesën tjetër të botës.
Irani prej vitesh njihet për çmimet ekstremisht të ulëta të karburanteve. Arsyeja kryesore qëndron te subvencionet e forta shtetërore dhe fakti që vendi është një prodhues i madh i naftës. Krahasimet globale tregojnë se benzina në Iran është ndër më të lirat në botë, madje edhe përpara vendeve si Libya dhe Venezuela.
Megjithatë, kjo nuk do të thotë se jeta është e lirë apo e lehtë për qytetarët, pasi pagat janë të ulëta dhe ekonomia përballet me sfida të shumta.
