Një aksident trafiku ka ndodhur pasditen e sotme në fshatin Kallnik, ku janë përfshirë katër mjete lëvizëse, përkatësisht dy vetura dhe dy motoçikleta.
Sipas informacioneve të para nga vendi i ngjarjes, fatmirësisht nuk raportohet për persona të lënduar rëndë, por dëmet materiale në mjetet e përfshira janë të konsiderueshme. Menjëherë pas incidentit, në terren kanë dalë forcat policore të cilat kanë bërë sigurimin e zonës dhe po kryejnë ekspertizën për të zbardhur rrethanat e plota dhe shkaqet që çuan në këtë përplasje.
Për shkak të aksidentit, qarkullimi në këtë pjesë të fshatit është zhvilluar me vështirësi për një kohë të caktuar, ndërsa autoritetet u bëjnë thirrje drejtuesve të mjeteve për kujdes të shtuar gjatë lëvizjes në këtë aks rrugor.
