Komisioni Evropian po shqyrton futjen në përdorim të një karburanti të ri dhe më të lirë – E20, i cili përmban 20 përqind bioetanol.
Megjithatë, që ky karburant të përdoret në të gjithë Evropën, është e nevojshme të ndryshohen rregullat ekzistuese të BE-së për cilësinë e karburantit. Sipas informacionit nga gazeta gjermane “Bild”, Presidentja e Komisionit Ursula von der Leyen u shkroi mbi këtë temë parlamentarëve evropianë Peter Liese, Jens Giesecke dhe Norbert Lins, të cilët prej kohësh kanë avokuar për futjen e E20.
