Ministri i Shëndetësisë, Azir Aliu, gjatë një vizite zyrtare në spitalin e Gostivarit theksoi se sistemi shëndetësor përballet me mungesë të theksuar të kuadrit profesional. Ai deklaroi se aktualisht nuk ka mjaftueshëm mjekë specialistë, ndërsa një pjesë e konsiderueshme e infermierëve janë larguar nga vendi.
Ministri bëri të ditur se do të ndërmerren hapa konkretë për të përmirësuar situatën, duke paralajmëruar punësime të reja në përputhje me nevojat reale të institucioneve. “Do të punësohen aq persona sa do të ketë nevojë institucioni,” tha ai, duke shtuar se qëllimi është rritja e cilësisë së shërbimeve shëndetësore dhe lehtësimi i barrës mbi personelin ekzistues.
