Shumë njerëz shpenzojnë shuma të mëdha parash për suplemente që premtojnë përmirësimin e kujtesës dhe shëndetit të trurit, por kërkimet e fundit tregojnë se efekti mund të jetë i kundërt. Sipas një raporti të publikuar nga MSN, disa nga produktet më të njohura në treg jo vetëm që nuk funksionojnë, por mund të përshpejtojnë plakjen kognitive.
### **Pritshmëritë kundrejt Realitetit**
Edhe pse reklamohen si “ushqim për trurin”, studimet shkencore hedhin dritë mbi disa suplemente që konsumohen masivisht:
* **Vaji i peshkut (Omega-3):** Ngrënia e peshkut është e shkëlqyer, por marrja e tij përmes kapsulave nuk ka vërtetuar se parandalon humbjen e kujtesës.
* **Ginkgo Biloba dhe Ginseng:** Pavarësisht popullaritetit të tyre, provat klinike tregojnë se këto bimë nuk kanë asnjë ndikim real në ngadalësimin e demencës apo përmirësimin e fokusit.
* **Vitamina E:** Marrja e saj në doza të larta përmes suplementeve mund të jetë e rrezikshme dhe e dëmshme për shëndetin e përgjithshëm.
### **Zahoni “i pafajshëm” që dëmton trurin**
Përveç suplementeve, artikulli vë në dukje një gabim që bëjnë shumica: **vetë-mjekimi.** Marrja e vitaminave pa bërë analizat paraprake dhe pa konsultën e mjekut konsiderohet një zakon i dëmshëm. Teprimi me doza të larta (si psh. Vitamina B6) mund të bëhet toksik për sistemin nervor.
Gjithashtu, ndërveprimi i këtyre suplementeve me ilaçet e tensionit apo holluesit e gjakut mund të shkaktojë komplikacione serioze që prekin drejtpërdrejt enët e gjakut në tru.
### **Si ta mbajmë trurin të ri?**
Ekspertët sugjerojnë që në vend të pilulave, të fokusohemi te metodat natyrale që janë vërtetuar shkencërisht:
1. **Ushqimi i shëndetshëm:** Arra, vaj ulliri dhe perime jeshile.
2. **Gjumi:** Është koha kur truri “pastrohet” nga toksinat.
3. **Aktiviteti fizik:** Ecja dhe lëvizja përmirësojnë qarkullimin e gjakut në kokë.
**Këshillë:** Përpara se të blini suplementin e radhës, konsultohuni me mjekun tuaj për të parë nëse keni vërtet nevojë për të.
Trending
