Presidenti i SHBA-së, Donald Tramp, përpara vizitës së sotme të Sekretarit të Përgjithshëm të NATO-s në Uashington, akuzoi përsëri vendet anëtare evropiane të Aleancës se nuk po e ndihmojnë SHBA-në në luftën me Iranin.
“Ne ishim një anëtar i shkëlqyer i NATO-s, në shumë mënyra i vetmi anëtar i vërtetë, sigurisht anëtari dominues. Ne paguam triliona dollarë, jo miliarda, por triliona dollarë gjatë viteve të kaluara, për të mbrojtur Evropën. Kur donim të dinim diçka – dhe unë vërtet nuk kisha nevojë për ndihmë, isha më shumë i interesuar nga kurioziteti – i thashë Pitit (Hegset): Le të shohim nëse ata vërtet do të shfaqen. Dhe kështu i kërkuam të vinin, dhe ata nuk ishin aty për ne. Është budallallëk që ata nuk ishin”, theksoi Trampi.
Ai e akuzoi ish-kryeministrin britanik, Kir Starmer, i cili dha dorëheqje dje, për pasivitet të plotë dhe shmangie të detyrimeve të aleancës.
Sipas Trampit, Starmer ka refuzuar të ndihmojë dhe ka deklaruar se Britania e Madhe do të përfshihet pasi SHBA-ja do të fitojë në luftën me Iranin.
Përveç Britanisë së Madhe, Trampi si partnerë të këqij i vlerësoi edhe Italinë dhe Gjermaninë.
