Bota po përballet me një nga krizat më dramatike të energjisë në vitet e fundit. Çmimi i naftës së papërpunuar Brent aktualisht luhatet midis 106 dhe 107 dollarë për fuçi, një rritje prej mbi 50% krahasuar me fillimin e vitit. Kjo rritje marramendëse, e shkaktuar nga përshkallëzimi në Lindjen e Mesme, tashmë po ngre alarme për një valë të re rritjesh çmimesh për produktet dhe shërbimet bazë.
Ekspertët paralajmërojnë se luhatjet janë të përditshme dhe ekstreme, duke treguar një panik të thellë në tregje.
“Në fillim të vitit, nafta ishte midis 70 dhe 80 dollarëve, dhe sot tashmë po flasim për nivele mbi 100 dollarë që nuk ka gjasa të kthehen në nivelet e tyre të vjetra. Ky është një realitet i ri që do të ndihet nga çdo xhep”, thonë analistët.
