Shërbimi sekret izraelit, Mosad, ka hedhur poshtë zërat dhe spekulimet që po qarkullonin në disa media ndërkombëtare lidhur me vdekjen e liderit suprem iranian, Ajatollah Ali Khamenei.
Përmes një deklarate zyrtare, Mosadi ka konfirmuar se Khamenei është në gjendje të gjallë dhe nuk ka asnjë informacion që sugjeron të kundërtën.
“E përsërisim: është gjallë”, thuhet në reagimin e agjencisë izraelite, duke i quajtur thashethemet mbi shëndetin e liderit iranian si të pabazuara dhe të rrezikshme për përhapjen e panikut dhe dezinformimit.
Në të njëjtën kohë, situata në rajon vazhdon të jetë e tensionuar. Forcat e Mbrojtjes së Izraelit (IDF) kanë njoftuar se gjatë një operacioni të posaçëm në Liban, është neutralizuar kreu i forcave Radwan, njësi elitare sulmuese e grupit Hezbollah.
Sipas burimeve ushtarake, komandanti i kësaj njësie është goditur ndërsa ndodhej në automjetin e tij.
Ky zhvillim vjen në një kohë të ndjeshme për sigurinë rajonale, mes përshkallëzimit të tensioneve midis Izraelit, Iranit dhe përfaqësuesve të tij në Liban.
