Një video e akademikes greke Helene Glykatzi-Ahrweiler është bërë virale në rrjetet sociale, duke nxitur debate të shumta në lidhje me historinë dhe origjinën e popullsisë në Greqi.
Në deklaratën e saj, ajo shprehet se në vitin 1831 në Athinë ekzistonin rreth 8.000 shtëpi, ku sipas saj, shumica u përkisnin shqiptarëve. Ky pohim ka tërhequr vëmendjen e publikut dhe ka shkaktuar reagime të ndryshme, veçanërisht në rrjetet sociale.
Akademikja thekson gjithashtu se figura historike si Marko Botsaris ka krijuar fjalorin e parë shqip-greqisht, duke argumentuar se shumë nga ushtarët e tij ishin shqiptarë.
Këto deklarata kanë rihapur diskutime të vjetra mbi historinë dhe ndikimin e shqiptarëve në rajon, duke sjellë interpretime të ndryshme dhe shpeshherë kundërshtuese.
