Më 19.03.2025, nga ora 10 deri në 15, punonjës policie nga SPB Tetovë dhe DPB Gostivar, në bashkëpunim me përfaqësues nga Drejtoria e Policisë Financiare, Inspektoratin Shtetëror të Tregut dhe Drejtorinë për Mbrojtje dhe Shpëtim, realizuan një kontroll aksional dhe morën masa dhe aktivitete të koordinuara të orientuara drejt parandalimit të aktiviteteve kriminale të paligjshme që kryhen në objektet e gastronomisë në rajonin e Tetovës dhe Gostivarit.
Qëllimi kryesor ishte të luftohej tregtia e paligjshme me drogë, ndërmjetësimi në prostitucion, pastrimi i parave, krimet korruptive nga ana e zyrtarëve të institucioneve shtetërore që janë të lidhur me aktivitetet ilegale të subjekteve që ushtrojnë veprimtari gastronomike dhe aktivitete të tjera të paligjshme.
Kontrolle janë realizuar në 16 objekte gastronomike (10 në Tetovë dhe 6 në Gostivar), ku janë konstatuar një sërë shkeljesh dhe do të përgatiten raporte përkatëse nga ana e ISHT dhe DMSH, ndërsa dy objekte gastronomike në Tetovë janë mbyllur nga IShT.
