Arabia Saudite ka mbyllur përkohësisht tubacionin strategjik të naftës East-West, pasi ai u sulmua me dronë të lëshuar nga territori i Irakut.
Bagdadi ka pranuar se sulmi u krye nga një provincë irakiane në kufi me Iranin dhe ka shkarkuar nga detyra një komandant ushtarak, ndërsa ka nisur hetimet për rastin.
Rijadi ka akuzuar më herët milicitë e mbështetura nga Irani në Irak për sulme ndaj objekteve të saj energjetike.
Tubacioni East-West, i gjatë rreth 1,200 kilometra, është një infrastrukturë kyçe për Arabinë Saudite, pasi i mundëson eksportuesit më të madh të naftës bruto në botë të transportojë naftë duke shmangur ngushticën e Hormuzit.
Sipas autoriteteve saudite, sulmi shkaktoi të plagosur dhe dëme materiale, ndërsa tubacioni u mbyll si masë parandaluese. Sipas Reuters, ai transporton rreth 4–5 për qind të furnizimit global me naftë.
