Policia e Kosovës ka njoftuar se ka arrestuar dy persona të dyshuar për përfshirje në një rast mashtrimi ndaj një shtetasi të Maqedonisë së Veriut.

Sipas njoftimit zyrtar, rasti ka ndodhur me 8 prill rreth orës 21:00 në Prishtinë, ndërsa arrestimi i dy të dyshuarve është bërë dy ditë më vonë.

“Dy të dyshuarit kanë mashtruar viktimën, shtetas i Maqedonisë së Veriut, duke ia marrë një sasi të konsiderueshme parash,” thuhet në njoftimin e policisë.

Pas intervistimit nga ana e hetuesve policorë, me vendim të prokurorit të rastit, të dy të dyshuarit janë dërguar në mbajtje.

Hetimet lidhur me rastin janë duke vazhduar nga autoritetet kompetente.