Maqedoni

Babai i Vedatit: Për dy minuta ma mbytën djalin! Në Spitalin e Kumanovës ndërhyri Prokuroria dhe policia

March 18, 2025, 04:03

“Për dy minuta ma kanë marr djalin, ai e ka hetuar menjëherë, se ka pasur dhimbje e ka ndal vetë, por deri sa e qova unë ti jap pak ujë aty te çezma ta freskoj, djali më shkoj.”

Babai i të ndjerit Vedat Ademi rrëfen tmerrin që kanë përjetuar në Spitalin e Kumanovës. Amet Ademi thotë se nga terapia që i kanë dhënë, djali ka pasur reaksion të fortë alergjik dhe ka ndërruar jetë. Ata akoma pa u bërë 24 orë kthehen te spitali duke treguar se një gabim mjekësor i mbyti djalin në lule të rinisë. Ai tha se e çoi djalin në këmbë të veta për ta shëruar, ndërsa nga spitali e nxorën në arkivol.

Amet Ademi, Babai i të ndjerit (0009/3.50-4.20/
“A mundi të ta thotë djali ndonjë fjalë të fundit? Djali, fjalën e fundit ma tha: babi më mbytën! Qato mi ka thënë, babi më vranë. A për t’i pasur fajet ai që ka organizu, që i ka fut ato se motra medicinale s’dinë çfarë të jep. Ai doktori çfarë i ka dhënë i ka futur ato lëndë, terapitë. Cili doktor? Zoran Gjeorgjievski, ishet aty kujdestar.”

Ekipi i Tv21 hyri deri në ambientet e brendshme të spitalit ku ndodhi edhe fatkeqësia. Por nuk e gjetëm aty doktorin Gjeorgjievski. Atë e kontaktuam përmes telefonit, i cili na tha se nuk e ka parë librezën se është alergjik dhe se në dhënien e terapisë ka ndodhur një gabim mjekësor nga personeli..

Stand Up: Adnan Qaili, Gazetar (0.01-0.18)
“Ky është reparti kirurgjikal në spitalin e përgjithshëm të Kumanovës, praktikisht ne jemi ambulantën ditore ku jepen terapitë e pacientëve, të cilët vijnë. Fatkeqësisht kjo është dera ku ka ndodhur rasti dhe ka ndërruar jetë pacienti Vedat Ademi.”

Mesditë e së hënës ndodhi ajo që nuk duhej të ndodh tha drejtori Stefan Trajanovski. Sipas tij askush nuk do t’i ikë përgjegjësisë, por fillimisht pritet raporti i autopsisë nga Instituti i mjekësisë ligjore. Ndonëse në librezën e shëndetësisë ka shkruar se 32 vjeçi është alergjik nga analgetikët, terapia intravenoze me infuzion i është dhënë pikërisht me këtë substancë analgini që dyshohet se i solli edhe vdekjen klinike.

Stefan Trajanovski, Drejtor i Spitalit të Kumanovës (0021/3.25-3.42/4.49-5.02)
“Në orët e vona kur për herë të parë erdhi ishe një doktor kudjestar. Por, kur iu është aplikuar terapia, tjetër kolegë ka qenë në punë. Kur iu përkeqësua gjendja të ndjerit, ishte Zoran Gjeorgjievski? Po! Unë si drejtor mund të ju dëshmoj se pas përfundimit të procedurë hetimore askush nuk do të lirohet nga përgjegjësia, atë mund të ju vërtetoj! Atë e garantoj para opinionit, pas përfundimit të procedurës hetimore askush nuk do ti ikë përgjegjësisë.”

Familjarët pretendojnë se spitali ka dashur ta fsheh rastin duke e thirrur menjëherë shërbimin mortor, për ta dërguar në murg. Por, me insistim të prindërve rasti është denoncuar edhe në polici.

GRAFIKA – Sektori për punë të brendshme Kumanovë
“Me datë 17.03.2025 në ora 11.35 në Stacionin Policor të Kumanovës është marrë njoftim nga Spitali i Përgjithshëm i Kumanovës se në gjendje të rënduar shëndetësore në spital është sjellë V.A. Me urdhër të prokurorit publik, trupi i pajetë është dorëzuar për autopsi, ndërsa nga zyrtarët policorë është bërë kontrolli dhe intervistimi i të gjithë personelit mjekësor të pranishëm. Rasti është duke u zbardhur.”

Kërkuam përgjigje edhe në Ministrinë e Shëndetësisë. Nga atje thonë se tani më kanë formuar komision të posaçëm, të cilët do të iniciojnë një kontroll të jashtëzakonshme nga Inspektorati shtetëror sanitar shëndetësor për të zbuluar lëshimet e mundshme nga personeli mjekësor, raport i cili do ti dorëzohet prokurorisë për hetim të mëtutjeshëm të rastit. Ndryshe varrimi i të ndjerit u bë sot në qytetin e Kumanovës!/TV21

EVN Online

Tetova1 në Youtube

Mos e humb

IMG_8823
Konfirmohen datat e çerekfinaleve të Ligës së Kampionëve
IMG_8472
Rodrygo: Me Modriçin thirremi ‘babë e bir’
Jeton Beqiri1
Jeton Beqiri: Duhet ta harrojmë këtë humbje, unë jam fajtori më i madh
IMG_7571
Struga fiton derbin me Shkëndijën, triumfon edhe Gostivari
IMG_6993
Fitojnë Shkëndija dhe Shkupi, Struga humb në Kratovë

Më shumë nga kategoria

IMG_7571
Struga fiton derbin me Shkëndijën, triumfon edhe Gostivari
IMG_6993
Fitojnë Shkëndija dhe Shkupi, Struga humb në Kratovë
IMG_6981
Interi futet në garë për sulmuesin e Liverpulit, Mohamed Sallah
IMG_6465
Erjona Emini, karateistja tetovare që synon kampionatin shtetëror dhe plasman në garat evropiane dhe ndërkombëtare
IMG_6242
Salah kryeson listën e Këpucës së Artë Evropiane
IMG_6062
Nuk plaket kurrë, Luka Modric shënon supergol për Realin ndaj Gironas
IMG_5829
Ish-kampioni evropian i boksit, gjermani Mario Daser, është plagosur me armë në Beograd
IMG_5718
Lazim Destani viziton klubin e Shkëndijes, mesazh mbështetje dhe inkurajimi per skuadrën
Halil-Snopce
Snopçe: Ja kush është e përbashkëta e të gjitha fatkeqësive të fundit në Maqedoni
IMG_9417
“Ne agjërojmë SHQIP”, Tolaj: “Nuk dëgjojmë ilahi ARABE…”
IMG_9403
Babai i Vedatit: Për dy minuta ma mbytën djalin! Në Spitalin e Kumanovës ndërhyri Prokuroria dhe policia
IMG_9398
Toshkovski: Për 11 persona është caktuar paraburgim për vepra të rënda kundër sigurisë, tre për shkak punës së pakujdesshme!
IMG_9390
Erdogan për sulmin në Gaza: Politikat e genocidit të Netanyahut duhet të ndalojnë
IMG_9386
Viktimat e tragjedisë në Koçan do të varrosen të enjten