Njëra ndër mediat më të njohura në Botë, BBC ka bërë rikonstruksion se si ka filluar zjarri në diskotekën „Puls“ duke shpjeguar faktorët kyç që çuan në numrin e madh të viktimave.
Sipas BBC, dy aspekte kryesore që rënduan situatën janë theksuar: infrastruktura e pasaktë e objektit, i cili dikur ka qenë një magazinë dhe nuk ka pasur licencë për të funksionuar si diskotekë, dhe së dyti, mungesa e daljeve të sigurisë dhe mundësisë për evakuim në rast zjarri.
Rikonstruksioni tregon se zjarri ka shpërthyer për shkak të përdorimit të piroteknikës gjatë një performancë, çka ka bërë që flaka të përhapej shumë shpejt. Po ashtu, theksohet se tavani ishte bërë nga materiale të ndjeshme ndaj zjarrit, ndërsa muret ishin nga gips-karton, gjë që ka përshpejtuar shpërndarjen e flakëve.
Një nga rreziqet më të mëdha ishte mungesa e daljeve, pasi objekti kishte vetëm një dalje, e cila ishte bllokuar, ndërsa të tjerat ishin të mbyllura.
Kjo situatë ka çuar në panik dhe stampedo, duke bërë që më shumë se 500 njerëz të përpiqeshin të iknin nga e njëjta dalje, gjë që ka shkaktuar një numër shumë të lartë viktimash.
