Deputeti i BDI-së, Blerim Bexheti në një intervistë për Radio Evropa e Lirë, tha se BDI dhe Fronti Europian nuk kanë paralajmëruar asnjë bojkot të zgjedhjeve lokale, por siç shtoi, janë të gazshëm për zgjedhje, transmeton TV21. Mes tjerash, Bexheti tha se vendit i duhen zgjedhje të parakohshme parlamentare, pasi që siç shtoi, do të ri-vendoset stabiliteti politik. Tutje tha se është e papranueshme të respektohet vetëm një legjitimitet në shtet nga dy bashkësitë më të mëdha etnike në vend.

“Përkundrazi, nuk kemi paralajmëruar asnjë bojkot, ne gjithmonë kemi qenë dhe jemi të gati për zgjedhje, dhe në zgjedhjet e fundit paralmentare, legjitimiteti i shqiptarëve, dhe bashkësive tjera etnike janë te Fronti Europian. Zgjedhjet e parakohshme parlamentare në Kuvend si debat u hapën nga të gjithë, duke filluar nga kryeministri Mickoski. Por, fakt është se vendit i duhen zgjedhje të parakohshme parlamentare, për të dalë nga kjo situatë në të cilën nuk respektohet legjitimiteti i bashkësisë së dytë etnike në vend. Sepse vetëm kështu do të rivendoset stabiliteti, stabiliteti politik, por edhe mundësinë për të pasur stabilitet në ekonomi dhe në të gjitha sferat e tjera në vendin tonë dhe për të punuar drejt progresit dhe të mirës së përgjithshme të qytetarëve. Është e papranueshme të respektohet vetëm një legjitimitet në shtet nga dy bashkësitë më të mëdha etnike në vend, dhe prandaj kërkojmë zgjedhje të parakohshme parlamentare. Natyrisht ne jemi të zgjedhur nga shqiptarët dhe qytetarët dhe jemi të vetëdijshëm se cili do të jetë reagimi, dhe prandaj është shprehur qëndrimi se nuk ka gjasa të ketë zgjedhje lokale, sepse po prishet stabiliteti etnik, dhe po shkelet”, tha Blerim Bexheti për Radio Evropa e Lirë.