Më 27 qershor, në kuadër të kontrolleve të përforcuara rrugore, SPB Tetovë ka evidentuar mbi 170 shkelje të rregullave të komunikacionit në qytetet e Tetovës dhe Gostivarit.
Në total, 22 shoferë u gjobitën për parkim të parregullt (Tetovë – 15, Gostivar – 7), ndërsa 12 automjete u larguan nga rruga me karrotrec. Përveç kësaj, u regjistruan edhe 136 kundërvajtje të tjera, që variojnë nga tejkalimi i shpejtësisë deri te përdorimi i telefonit gjatë ngasjes.
Policia paralajmëron kontrolle të vazhdueshme për rritjen e sigurisë në trafik dhe ndëshkimin e çdo shkeljeje.
