Presidenti amerikan Donald Trump ka vendosur rritjen e tarifave në 25% për makinat dhe kamionët e importuar nga Bashkimi Evropian, duke përshkallëzuar tensionet tregtare me Brukselin.
Në një reagim, Komisioni Evropian deklaroi se do t’i mbajë “të hapura të gjitha opsionet” për të mbrojtur interesat e BE-së, duke theksuar se unioni po i përmbahet angazhimeve të tij, por kërkon qartësi nga SHBA-ja.
Sipas Brukselit, deklaratat e Trumpit për moszbatimin e marrëveshjes tregtare nuk janë shoqëruar me sqarime konkrete.
Tarifat e reja pritet të prekin ndjeshëm sektorin e automjeteve, i cili përbën një pjesë të rëndësishme të ekonomisë evropiane, duke rritur shqetësimet për një përshkallëzim të mëtejshëm të konfliktit tregtar mes dy palëve.
