Diaspora

“Burek King” i dy kërçovarëve në Zvicër, “në luftë” me kolosin “Burger King

Autori

Autori

Portali Tetova

February 1, 2024, 10:02

“Burger King” kishte paraqitur një kundërshtim në Institutin Federal Zviceran të Pronësisë Intelektuale për ngjashmërinë në mes të emrave të firmave
“Burek King” është një biznes me 35 punonjës. Ai po lulëzon, falë byrekut, specialitetit aq të kërkuar, të cilin Fatmir Mehmedi dhe Bekim Limani e njohin që kur ishin fëmijë. Dy shqiptarët nga Maqedonia nuk kishin besuar se do të kishin këtë sukses, në kohën kur kishin themeluar firmën Burek King gjatë pandemisë, transmeton albinfo.ch. Restoranti në Wöschnau (Solothurn), që është qendra e biznesit, pasi firma ka tashmë ehde 5 filiale të tjera, nuk ka asnjë vend të lirë. Prandaj, Fatmiri thotë se “ndihet si në një ëndërr të bukur”.

Çdo ditë, furrtarët e specializuar bëjnë të paktën 1200 copë byrekë, në kuzhinë. Ata vijnë nga Kosova, nga familje që kanë bërë emër atje, si mjeshtër, shkruan blick.ch. Me byrekët e gatuar këtu, furnizohen gjashtë filiale – tre vjet më parë ishte vetëm një. Gjërat do të vazhdonin kështu, në rrugë të mbarë sikur në vitin 2022, gjiganti i ushqimit të shpejtë nga SHBA, “Burger King” të mos ua prishte ëndrrën. Bekim Lima thotë: “Ekzistenca jonë është në rrezik”.

Zinxhiri i ushqimit të shpejtë “Burger King” kishte paraqitur një kundërshtim në Institutin Federal Zviceran të Pronësisë Intelektuale (IGE). Marka “Burek King” dhe logoja, e cila përmban inicialet BK, janë shumë të ngjashme me ato të Burger King, përcjell albinfo.ch. Për këtë arsye, fjala King dhe inicialet duhet të hiqen. IGE ra dakord me amerikanët: Sipas tij “ka rrezik të ngatërrohet gjatë leximit”, për shkak të ngjashmërisë së emrave të kompanive të përmendura.

Bekim Lima tund kokën dhe thotë: “Nuk mund të ngatërrohemi ne me Burger King!”.

Byreku është ushqim kombëtar në Turqi dhe në Ballkan. Si pica në Itali. Lima thotë: “Për ne është simbolizon shtëpinë”.

Ata të dy kanë ardhur në Zvicër me prindërit e tyre si fëmijë dhe vijnë nga i njëjti qytet në Maqedoninë e Veriut, Kërçova. Era e një byreku të ngrohtë u kujton atyre fëmijërinë dhe byrekët e gatuar nga nëna…

Prandaj, ata të dy donin t’u sillnin burekun e tyre njerëzve në Zvicër. Aq më tepër që kudo ka kebap, por pothuajse asnjë byrek nuk mund të blije që del direkt nga furra e bukës. Ata ishin të bindur se kishte një boshllëk në treg.

Bekimi dhe Fatmiri po e çojnë çështjen në Gjykatën Administrative Federale në St. Gallen, transmeton albinfo.ch. E kemi patjetër, thonë ata. Ndryshimi i emrit dhe logos do të kushtonte shuma të mëdha parash. Sepse logoja e tyre është e vendosur kudo – në të gjitha pecetat, xhamat e dritareve, në makinat e dërgesave dhe në bluzat e punonjësve. Madje Bekim Limani thotë: “Ne nuk mund ta përballojmë këtë”.

Për të nënvizuar seriozitetin e situatës, Simon Zwimpfer, i cili prodhon kos për Burek King me kompaninë e tij QMAG, thotë “Nëse Burek King largohet, nuk e di se çfarë do të ndodhë me ne. Deri në 800 kg në javë kos ia blen firma e dy shqiptarëve. “Ëstë klienti ynë më i madh”, thotë Zwimpfer.

Tetova1 në Youtube

Mos e humb

449059413_1014848236674238_1554867321894721942_n
UEFA publikon fotot e tifozëve me shqiponjën “Kuq e Zi” të pikturuar në fytyrë
IMG_0794
Albion Musliu, ylli i ri që po shkëlqen te Shkëndija
spanja
Trajneri i Spanjës për duelin ndaj Shqipërisë: Do t’u jap mundësi disa prej lojtarëve që kemi në stol
IMG_0727
Euro 2024/ Shqipëria arrin të barazojë kundër Kroacisë, rezultati 2-2
kroaci-shqiperi-mbyllet-pjesa-e-1-1024x585
Euro 2024 | Kroaci-Shqipëri 0-1, pjesë e parë spektakolare

Më shumë nga kategoria

IMG_0727
Euro 2024/ Shqipëria arrin të barazojë kundër Kroacisë, rezultati 2-2
kroaci-shqiperi-mbyllet-pjesa-e-1-1024x585
Euro 2024 | Kroaci-Shqipëri 0-1, pjesë e parë spektakolare
kombetarja
Cilët janë 4 skenarët që kualifikojnë Shqipërinë në 1/8 e Europianit?
bajrami
Cilët janë 4 skenarët që kualifikojnë Shqipërinë në 1/8 e Europianit?
IMG_0385
Granit Xhaka: Kësaj radhe do të shkojmë në gjymsëfinale
Andi Demiri
Andi Demiri nga Tearca, ylli i ri shqiptar që shkëlqen në Lille!
arben-taravari
Taravari nuk pret, gati shpalljen për ndërtimin e dy spitaleve
kutura-bashkimi-780x470
Reshjet e rrëmbyeshme, dëme të shumta në Tetovë
449059413_1014848236674238_1554867321894721942_n
UEFA publikon fotot e tifozëve me shqiponjën “Kuq e Zi” të pikturuar në fytyrë
nafta-780x439-2-696x392
Rriten çmimet e derivateve të naftës në Maqedoninë e Veriut
IMG-20240624-WA0016
Orhan Murtezani merr funksionin e ministrit për Çështje Evropiane Orhan Murtezani nga koalicioni
448996653_1056358252594213_2754501135250712493_n
Durmishi: Besimin e popullit do e shndërrojmë në VEPRIM e shumë punë të palodhshme

DIASPORA