Çfarë presidenti duan qytetarët?
Këtë pyetje ua parashtruam disave nëpër rrugët e Shkupit, në ditën e parë të fushatës për zgjedhjet presidenciale, kur në garë janë 7 kandidatë.
Duan që kushdo që të fitojë, të punojë për popullin si për familjen e tij.
– Patriot, dikë që mendon për kombin e vet, për shtetin e tij si për fëmijët e tij dhe në mënyrë eksplicite njeri që di të udhëheqë shtetin”
Njëri nuk deshi aspak të komentojë për politikën në Maqedoni.
– Çfarë karakteristika duhet të ketë presidenti ideal i shtetit?
– “Për në Maqedoni mos më pyet”
Ndërsa disa të tjerë e shohin me skepticizëm të ardhmen, sepse mendojnë se zyrtarët nuk po kujdesen mjaftueshëm për popullin.
“Në fillim të gjithë premtojnë, premtojnë, premtojnë deri sa të zënë vendin, kur të zënë vendin asnjë nga premtimet nuk e përmbushin, a do e përmbushin 20% prej premtimeve, për njerëzit e thjeshtë, për punëtorin e thjeshtë asnjë nga shteti nuk mendon për këta”
– Si duhet të punojë çfarë karakteristika duhet të ketë?
-Eja Ramçe fol ti ndonjë gjë…
-Dikush që do të vijë i ardhshëm?
“Ai punon rroga i shkon atij, nuk ka problem për atë por çfarë është kryesore për popullin askush nuk punon, as Qeveria as presidenti as deputetët”
“Për vete kanë punuar por për popullin asgjë”
–Çfarë duhet të punojë çfarë mendimi keni?
“Ta ndërtojnë ekonominë”
Ndërsa një tjetër na tha se mjafton të jetë i aftë t’i kryej detyrat e tij.
“Të jetë i aftë t’i kryej detyrat që janë në kompetencat e tij”
Rrethi i parë i zgjedhjeve presidenciale do të mbahen më 24 Prill, ndërsa i dyti më 8 maj, bashkë me ato parlamentare.