Kryeministri Hristijan Mickoski njoftoi se pritet një ulje e çmimeve të karburanteve nga java e ardhshme, bazuar në analizat e kryera dhe lëvizjet në bursat botërore.
Siç theksoi ai, sipas llogaritjeve, benzina me oktan 95 dhe 98 duhet të bëhet më e lirë me rreth 1.5 denarë për litër, ndërsa karburanti dizel pritet të ulet me rreth 2.5 denarë.
Kryeministri theksoi se vendi ka sasi të mjaftueshme të naftës dhe derivateve të naftës dhe se furnizimi është i qëndrueshëm, pavarësisht rritjes së konsumit i cili, sipas tij, arrin deri në 30 për qind më shumë se mesatarja në ditë të caktuara.
