Lideri i koalicionit qeverisës në Republikën Srpska, Milorad Dodik, njoftoi sot se partia e tij shumë shpejt do t’i propozojë parlamentit në Banja Luka që të gjitha kompetencat e transferuara nga Marrëveshja e Dejtonit t’i kthehen entitetit të Bosnjës dhe Hercegovinës (BiH), Radio Sarajeva.
Ai tha se “populli i Republikës Srpska ka treguar edhe një herë se është në mbrojtje të lirisë dhe pavarësisë” dhe i quajti partitë politike me seli në Sarajevë “plehra politike”.
Dodik, duke shpjeguar se çfarë nënkuptonte me “kthimin e juridiksionit”, tha se do të kthente ushtrinë dhe policinë kufitare të entitetit. Pas kësaj, ai njoftoi shfuqizimin e Gjykatës dhe Prokurorisë së Bosnjës dhe Hercegovinës dhe se modeli i sistemit fiskal duhet të kthehej në juridiksionin e entitetit.
Ai tha se nuk do të hiqte dorë sepse atyre u duhet “vetëm ajo që u sigurua me Daytonin”.
“E drejta e popullit për vetëvendosje dhe pavarësi është qëllimi ynë politik”, tha Dodik.
Ai theksoi se nuk kanë aspak një detyrë të vështirë dhe se do të bien dakord për momentin kur, siç tha ai, do të largohen nga institucionet e Bosnjës dhe Hercegovinës. (SP)
