Sot në mëngjes fshati Vollkovë-Shkup u zgjua në gjak dhe lot. Një krim i rëndë ka tronditur lagjen e qetë kur një qiramarrës ka qëlluar dhe ka vrarë me disa të shtëna pronarin e shtëpisë ku banonte, si dhe ka plagosur edhe djalin e mitur të pronarit, mëson Plusinfo.
Sipas burimeve, menjëherë pas të shtënave, vrasësi i ka marrë jetën me një plumb në kokë. Banorët thonë se janë zgjuar nga të shtënat me armë zjarri, të ndjekur nga sirenat e policisë dhe ambulancës. Një pamje e tmerrshme u shpalos para syve të fqinjëve – trupi i pronarit ishte i palëvizshëm dhe i pajetë në shkallët, në një pellg gjaku.
Por tragjedia nuk u ndal me kaq. Në dëshpërim dhe panik, vrasësi është barrikaduar në një nga dhomat, duke mos lejuar afrimin e policisë. Pas disa kohësh, ai i dha fund jetës së tij me një goditje të fundit.
Për momentin nuk ka asnjë informacion zyrtar për motivin e vrasjes dhe as për rrethanat që çuan në këtë tragjedi të tmerrshme.
Fqinjët të tronditur nga ngjarja thonë se asgjë nuk e paralajmëronte një tragjedi të tillë.
– Disa të shtëna armësh më zgjuan nga gjumi dhe menjëherë më pas dëgjova një fëmijë që qante dhe rënkonte. Fillimisht mendova se ishte një shaka fëminore me fishekzjarre, por në pak kohë dëgjova sirenat e policisë dhe të ambulancës. “Kur dola në oborr, kuptova që më kishin vrarë fqinjin e parë dhe djalin e kishte plagosur në krah dhe e kishin dërguar në spital”, thotë një nga fqinjët e parë të viktimës.
Në rrugë ka një atmosferë të tensionuar, ndërsa policia vijon hetimet në vendngjarje.
Raporti i policis (MPB-së)
MPB njofton se sot, më 24 mars 2025, rreth orës 09:00, në Sektorin e Punëve të Brendshme në Shkup u raportua për të shtëna me armë zjarri në fshatin Vollkovë-Shkup, ku disa persona kanë pësuar lëndime.
Policia ka dalë në vendngjarje dhe ka konfirmuar se R.C. dhe M.N. kanë vdekur në vendin e ngjarjes nga plagët e marra. Një mjek nga Ndihma e Shpejtë ka konfirmuar vdekjen e tyre.
Një minoren ka pësuar lëndime dhe është dërguar për trajtim në Kompleksin Klinik “Nëna Tereza”. Si një nga të dyshuarit për ngjarjen është identifikuar M.N. Autoritetet janë duke ndërmarrë masa për zbardhjen e rastit.
