Enti Shtetëror i Revizionit ka konstatuar disa shkelje në Klinikën e Neurologjisë gjatë vitit 2023, shkruan Alsat.
Raporti i revizionit ka gjetur shpërdorime sa i përket vërtetësisë dhe objektivitetit të punës financiare dhe një opinion të rezervuar për përputhshmërinë e transaksioneve financiare me legjislacionin përkatës.
Është konstatuar se barnat e pranuara dhe konsumuara për sëmundje të rralla nga donacioni nuk janë evidentuar në evidencën materiale dhe kontabilitet. Është vërejtur dobësi në planifikimin dhe realizimin e mjeteve nga kompensimi i kushtëzuar për blerjen e terapisë imunomodulare.
Gjatë vitit 2023 ka pasur më pak terminë të përcaktuara me ligj për kryerjen e shërbimeve shëndetësore duke përdorur shërbime mjekësore përmes aplikacionit “Termini im”. Në disa nga procedurat për prokurimet publike është konstatuar zbatim jo adekuat i Ligjit për prokurime publike.
Infermierët, punonjësit teknik dhe punonjës në sportele janë punësuar me kontrata, pa pëlqimin e Ministrisë së Financave dhe është konstatuar kontroll joadekuat I përdorimit të shërbimeve nga Shërbimi Shëndetësor Publik për punë të përbashkëta.
Gjithashtu në raportin e Revizionit theksohet se për tejkalimin e kushteve të krijuara janë dhënë rekomandime me qëllim marrjen e masave dhe aktiviteteve nga personat përgjegjës për përmirësimin e kushteve./ Alsat.mk
