Presidenti turk, Tayyip Erdogan, ka bërë thirrje që konflikti mes Izraelit dhe Iranit të ndalet sa më shpejt, për të parandaluar një përshkallëzim që mund të përfshijë të gjithë Lindjen e Mesme. Ai theksoi se diplomacisë duhet t’i jepet një shans për të zgjidhur situatën paqësisht.
Sipas Erdoganit, mbrojtja ajrore e NATO-s ka kapur javën e fundit dy raketa iraniane të drejtuara ndaj jugut të Turqisë, ku ndodhen baza ajrore dhe radarë të përdorur nga aleanca dhe Shtetet e Bashkuara. Pas këtyre incidenteve, NATO ka forcuar sigurinë në rajon.
“Kjo luftë duhet të ndalet para se të rritet dhe rajoni të hidhet në zjarr. Nëse diplomacisë i jepet një shans, është shumë e mundur të arrihet kjo. Ne po veprojmë me kujdes për të mbrojtur Turqinë nga zjarri që po e rrethon,” u shpreh Erdogan para ligjvënësve në parlament. (A2 Televizion)
