Publicisti dhe analisti politik Fejzulla Arifi ka dhënë një pasqyrë të thelluar mbi historikun dhe zhvillimet e forcave politike shqiptare në Maqedoninë e Veriut. Në një postim të fundit në Facebook, Arifi thekson rëndësinë e reflektimit mbi rrugët e kaluara dhe sfidat e ardhshme.
Sipas tij:
“PPD-ja lindi si reagim ndaj padrejtësive të komunizmit dhe u përkrah masovikisht nga shqiptarët.”
Ai vazhdon me PDSH-në:
“PDSH-ja ishte revoltë ndaj dështimeve të PPD-së dhe shumica e shqiptarëve e mbështetën atë.”
Duke analizuar BDI-në, Arifi thekson:
“BDI-ja u shfaq si rezultat i luftës çlirimtare, dhe lufta çlirimtare ishte fryt i humbjes së shpresave nga përpjekjet 10-vjeçare në Maqedoninë unitare, që pas pavarësisë i margjinalizoi shqiptarët.”
Ndërsa për VLEN-in, ai shprehet:
“VLEN-i erdhi si pasojë e degradimit të politikanëve shqiptar dhe humbjes së vlerave të luftës.”
Në përfundim, Arifi paralajmëron për të ardhmen e VLEN-it:
“Nëse VLEN-i nuk mëson nga paraardhësit, nuk unifikohet dhe nuk reformohet, nuk mund t’i mbijetojë kohës. Gjithmonë do të dalin forca të reja politike që i marrin përgjegjësitë e proceseve në Maqedoninë e Veriut.”
Ky status i Fejzulla Arifit ofron një analizë kritike dhe historike të forcave politike shqiptare, duke nxjerrë në pah sfidat dhe nevojën për reforma brenda partive për të garantuar mbijetesën politike në vend.
