Pavarësisht se në ciklin e marsit për kualifikueset e Kupës së Botës, Përfaqësuesja e Maqedonisë në futboll, arriti të grumbullojë katër pikë – me fitoren ndaj Lihtenshtajnit dhe barazimin me Uellsin, kjo nuk solli asnjë ndryshim në renditjen e FIFA-s, njofton Telegrafi.

FIFA sot publikoi zyrtarisht renditjen e re, ku Maqedonia e Veriut vazhdon të mbetet në vendin e 67-të, pa asnjë lëvizje. Sigurisht, po të mos kishim pësuar atë gol në minutën e 90+8 ndaj Uellsit, situata mund të kishte qenë ndryshe. Kështu, Maqedonia e Veriut mbetet e 67-ta në botë sa i përket futbollit.

Në krye të renditjes vijon të jetë Argjentina, e ndjekur nga Spanja, Franca, Anglia dhe Brazili. Sa i përket kundërshtarëve tanë në grup, Belgjika renditet në vendin e 8-të, Uellsi në të 29-in, Kazakistani në vendin e 113-të, ndërsa Lihtenshtajni mban vendin e 205-të. Renditja e radhës do të publikohet në muajin korrik.